நாட்டின் இருவேறு பகுதிகளில் இடம்பெற்ற சம்பவங்களில் மூவர் நீரில் மூழ்கி உயிரிழந்துள்ளனர்.

கதிர்காமம் பொலிஸ் பிரிவில் செல்லக்கதிர்காமம் மாணிக்க கங்கையில் நீராடச் சென்ற இரு சிறுவர்கள் நீரில் மூழ்கி உயிரிழந்துள்ளனர்.

நேற்று (17) மாலை இடம்பெற்ற இச்சம்பவத்தில் இரட்டையர்களான 7 வயதுடைய லக்ஷான் புத்திக மற்றும் ரஸ்மி லக்ஷான் ஆகியோரே உயிரிழந்தவர்களாவர்.

எல்பிட்டிய - கரந்தெனிய பகுதியைச் சேர்ந்த இவர்கள் கதிர்காமம் ஆலயத்திற்கு வழிபாட்டிற்குச் சென்றிருந்த போது இந்த சம்பவம் இடம்பெற்றுள்ளது.

இதேவேளை, சம்பாந்துறை பொலிஸ் பிரிவில் நிந்தவூர் - அட்டப்பளம் பகுதி ஹோட்டல் ஒன்றின் நீர்தடாகத்தில் நீராடிக் கொண்டிருந்த சிறுவன் நீரில் மூழ்கி உயிரிழந்துள்ளார்.

அக்கரைப்பற்றைச் சேர்ந்த 10 வயது சிறுவனான மொஹமட் அலி அனிப் என்பரே உயிரிழந்துள்ளார்.

சடலம் அக்கரைப்பற்று வைத்தியசாலையில் வைக்கப்பட்டுள்ளது.

(அத தெரண - தமிழ்)